Retour aux chapitres

Retour à la page principale

La Bible en fongbe

Ɖɛhan 99 - Paumes 99
Mawu Mavɔmavɔ ɖo axɔ́sú ɖu wɛ: togun lɛ́ɛ nɔ́ sísɔ́. É jínjɔ́n ayǐ ɖo wɛnsagun susunɔ lɛ́ɛ jí: ayǐkúngban ɔ́ nɔ́ dán wǔ.
99.1 Le Seigneur est roi, il est saint C’est le Seigneur (YHWH) qui est roi ! Les peuples tremblent. Il est assis sur les keroubim ! La terre vacille.

Mawu Mavɔmavɔ ɔ́, nǔsúɖaxó wɛ é nyí ɖo Sinyɔ́ɔ, é hú gǎn togun lɛ́ɛ bǐ.
99.2 Le Seigneur est grand dans Sion, c’est lui qui est élevé au-dessus de tous les peuples.

Mawu Mavɔmavɔ, togun lɛ́ɛ bǐ ní kpa nyǐkɔ towe; a d'agba bó dó xɛsi. Mɛ mímɛ́ wɛ a nyǐ.
99.3 Qu’on célèbre ton nom grand et redoutable ! Il est saint !

È nǐ kpa hlɔ̌nhlɔ́n nú hwi axɔ́sú e yí wǎn nú hwɛjijɔ é. Hwi wɛ sɔ́ nǔ wa ɖó sɛ́nxwi jí jínjɔ́n ayǐ. Hwi wɛ nɔ wa nǔ ɖó sɛ́nxwi jí, bó nɔ́ xwedó hwɛjijɔ dó wa nǔ ɖo Izlayɛ́li.
99.4 Qu’on célèbre la puissance du roi qui aime l’équité ! – C’est toi qui affermis la droiture, c’est toi qui agis en Jacob pour le droit et la justice.

Mi kpa susu nú Mawu Mavɔmavɔ, Mawu mǐtɔn. Mi ɖe kɔ́ ɖo axɔ́súzinkpo ɔ́ nukɔn. Mɛ mímɛ́ wɛ é nyí.
99.5 Exaltez le Seigneur, notre Dieu, et prosternez-vous devant son marchepied ! Il est saint !

Mɔyízi kpó Aalɔ́ɔn kpó ɖo vɔ̌sánú-xwlémawutɔ́ tɔn lɛ́ɛ mɛ. Samuwɛ́li ɖo mɛ e nɔ xomlá nyǐkɔ tɔn lɛ́ɛ mɛ; mɛ énɛ́ lɛ́ɛ nɔ́ ylɔ́ Mawu Mavɔmavɔ bɔ é nɔ́ sɔ nú yě.
99.6 Moïse et Aaron parmi ses prêtres, et Samuel parmi ceux qui invoquent son nom, invoquèrent le Seigneur, et il leur répondit.

É nɔ́ ɖɔ xó nú yě sín akpɔ́kpɔ́ e nɔ ɖo mlǐmlí wɛ é mɛ. Yě nɔ́ bló nǔ e é zɔ́n yě lɛ́ɛ, bó nɔ́ nyi sɛ́n e é ná yě lɛ́ɛ.
99.7 Il leur parla dans la colonne de nuée ; ils ont gardé ses préceptes et le décret qu’il leur avait donné.

Mawu Mavɔmavɔ, Mawu mǐtɔn, a nɔ se ɖɛ yětɔn. Mawu e nɔ́ sɔ́ hwɛ kɛ mɛ é wɛ a nyǐ nú yě, có hwɛ e yě hu lɛ́ɛ ɔ́, a nɔ dɔn tó tɔn nú yě.
99.8 Seigneur, notre Dieu, c’est toi qui leur as répondu. Tu fus pour eux un Dieu qui pardonne, mais qui tire vengeance de leurs agissements.

Mi kpa susu nú Mawu Mavɔmavɔ, Mawu mǐtɔn, mi ɖe kɔ́ ɖo só mímɛ́ tɔn jí, ɖó Mawu Mavɔmavɔ, Mawu mǐtɔn ɔ́, mɛ mímɛ́ wɛ é nyí. Togun Mawu tɔn wɛ mǐ nyí
99.9 Exaltez le Seigneur, notre Dieu, et prosternez-vous vers sa montagne sacrée ! Car il est saint, le Seigneur, notre Dieu !